Eng
Rus

სიახლე


ანტისტრესული მასაჟის წესები.  ანტისტრესული მასაჟი სრულდება სიჩუმეში. ეს წესი ეხება როგორც მასაჟისტს, ასევე კლიენტს. მასაჟისტმა აუცილებლად უნდა განსაზღვროს კუნთზე ზეწოლის ძალა, სიჩქარე,  შესრულების რითმი და ტექნიკა. გაანალიზოს კლიენტის მდგომარეობა და ხედავდეს მასაჟის მთლიან სურათს. ამასთან ერთად, არ შეიძლება მასაჟისტმა განიხილოს კლიენტთან თავისი პრობლემები და გაართოს კლიენტი ანეგდოტებით. თავის მხრივ კლიენტისთვის სიჩუმე არის აქტიურობის დამაქვეითებელი ტვინის მარცხენა ნახევარსფეროსთვის, რომელიც პასუხისმგებელია ლაპარაკზე. ეს სიჩუმე იძლევა საშუალებას ჩაიძიროს შეგრძნებებში, იგრძნოს ტაქტილურობა. რითაც მიიღწევა ფსიქოლოგიური  წონასწორობა და ფიზიკური ჯანმრთელობა.  ანტისტრესული მასაჟი სრულდება მონოტონურად, რითმულად და ნელა. ეს ეხება ყველა სამასაჟო ილეთს-ხელსმას, სრესას, თელვას და ვიბრაციას. ანტისტრესული მასაჟი უნდა ჩატარდეს იმ სამასაჟო ტექნიკით და მეთოდიკით,  რომელიც ყველაზე მეტად მიესადაგება კლიენტს. აუცილებელია გათვალისწინებული იქნას მასაჟის მრავალფეროვნება, ადამიანთა მგრძნობელობა.  თუ მასაჟისტი ირჩევს მასაჟს ერთგვაროვანი ილეთებით, მაგალითად, ხელსმის ილეთებით- ამით ის აძლიერებს ადამიანში სტრესულ მდგომარეობას. რადგანაც ერთგვაროვანი ილეთები კლიენტს აღიზიანებს ,,არამცთუ ადუნებს“. ასეთი კლიენტებისთვის ანტისტრესული იქნება ის მასაჟი, რომელიც მობილიზებას,  გაწელვებს, გაჭიმვებს მოიცავს.  ანტისტრესული მასაჟი სრულდება მტკივნეული შეგრძნებების გარეშე. მნიშვნელოვანია გვახსოვდეს ადამიანის ინდივიდუალური მგრძნობელობა ტკივილის მიმართ. ყველანაირი ტკივილი, მასაჟის ილეთების შესრულებისას, გამოიწვევს კიდევ უფრო მეტ კუნთოვან სპაზმს და  ქსოვილების კვების დარღვევას. ანტისტრესულ მასაჟს ასრულებენ გაწონასწორებულ და მშვიდ მდგომარეობაში. ეს წესი ეხება მარტო მასაჟისტს. კლიენტი შეიძლება იყოს მოუსვენარიც. ამის გამო მასაჟისტმა უნდა შეძლოს მოძებნოს სიმშვიდე ჯერ საკუთარ თავში. ადამიანს, რომელსაც ეხება სპეციალისტის ხელი, გრძნობს მის მდგომარეობას ძალიან მწვავედ, მასაჟისტის გაუწონასწორებლობამ შეიძლება პროვოცირება მისცეს კლიენტის მდგომარეობის გაუარესებას. ანტისტრესული მასაჟი გრძელდება არაუმეტეს საათნახევრისა. ძალიან მნიშვნელოვანია რომ, დავიცვათ მასაჟის ხანგრძლივობის ფიზიოლოგიური პროცესი, რომ არ გამოვიწვიოთ ორგანიზმის გადატვირთვა და ცენტრალური ნერვული სისტემის მომატებული აღგზნებადობა. იგი უნდა ჩატარდეს ისეთ ოთახში, სადაც ჰარმონია და სიმშვიდე სუფევს. ფერთა გამა ოთახში, სითბო და სიმყუდროვე კლიენტში უნდა იწვევდეს დაცულობის გრძნობას. მუსიკა უნდა იყოს რითმული და ჩუმი. მუსიკა მასაჟის დროს  უნდა ავსებდეს ხელების მოძრაობას. იგივე ითქმის სურნელებაზეც. ანტისტრესული მასაჟი უნდა ტარდებოდეს დღის ერთსა და იმავე მონაკვეთში. ეს მოგვცემს საშულებას კლიენტში უფრო სწრაფად ჩამოყალიბდეს პირობითი რეფლექსი. უკვე ერთი აზრია, რომ ჩატარებული მასაჟი ჩამოაყალიბებს დადებით ბიძგებს  ორგანიზმში და ხელს შეუწყობს მისი სასიცოხლო ტონუსის ამაღლებას. უნდა გვახსოვდეს, რომ პირობითი რეფლექსის ფორმირება  ხანდაზმულ ადამიანებში საჭიროებს უფრო დიდ დროს.  ანტისტრესული მასაჟი სრულდება საერთო მასაჟის სახით, ე.ი მოქმედებს მთელ სხეულზე. სტრესის დროს ადამიანს სტკივა ყველაფერი, ამიტომ უნდა მოვიცვათ სხეულის ყველა ზონა. ხელის თითიებიდან  დაწყებული,  ფეხის თითებით დამთავრებული. გულდასმით მასირდება ტერფები, რაც იწვევს რეფლექტორულ ზემოქმედებას ორგანიზმზე.

მასაჟის გავლენა ადამიანის ორგანიზმზე
მასაჟი ასუფთავებს კანს ეპიდერმისის გარქოვანებული უჯრედებისაგან, მის ფორებში მოხვედრილი უცხო
ნაწილაკებისაგან (მტვერი და სხვა), კანის ზედაპირზე არსებული მიკრობებისაგან. უმჯობესდება საოფლე და
ცხიმოვანი ჯირკვლების სეკრეტორული (გამომყოფი) ფუნქცია,სუფთავდება მათი გამომტანი სადინარების
ხვრელები სეკრეტისაგან. აქტიურდება კანში ლიმფისა და სისხლის მიმოქცევა, უმჯობესდება კანის კვება, რის
შედეგადაც ფერმკრთალი, მოდუნებული და მშრალი კანი ხდება ვარდისფერი, ელასტიური, ხავერდოვანი,
მოქნილი; შესამჩნევად მატულობს წინააღმდეგობა მექანიკური და ტემპერატურული მოქმედებების მიმართ,
იზრდება კან–კუნთის ტონუსი, რაც კანს ხდის გლუვს, მკვრივს და ელასტიურს. უმჯობესდება ადგილობრივი
და საერთო ნივთიერებათა ცვლა, ისე როგორც კანი ღებულობს მონაწილეობას ორგანიზმში მიმდინარე ყველა
ნივთიერებათა ცვლაში. ორგანიზმში ნივთიერებათა ცვლის პროცესების მომატებისას ძლიერდება ცხიმის
გამოყოფა ცხიმოვანი დეპოებიდან. მასაჟი უზრუნველყოფს ცხიმოვან ქსოვილში ჭარბი რაოდენობით
დაგროვილი ცხიმების ,,წვას". უნდა აღინიშნოს, რომ გასახდომი მასაჟი უნდა ჩატარდეს ხანგრძლივი კურსებით,
ერთ კურსზე 15 პროცედურა და აუცილებლად შეთავსებული უნდა იყოს ფიზიკურ ვარჯიშთან. მასაჟის
მოქმედებით ფართოვდება სისხლძარღვები. ორგანიზმში ძლიერდება სისხლის მიმოქცევა და ლიმფის დინება,
ინტენსიურს ხდის ფილტვების ვენტილაციას და ეს ყველაფერი ერთად ადიდებს ცირკულირებადი სისხლის
მიმოქცევას. პერიფერიული სისხლძარღვების გაფართოება აადვილებს წინაგულებისა და პარკუჭების მუშაობას,
ამაღლებს გულის კუნთის კუმშვადობას, რამდენადმე აქვეითებს არტერიულ წნევას.მასაჟი იწვევს აგრეთვე
არაფუნქციონირებადი სარეზერვო  კაპილარების გახსნას, სისხლის გამოყვანას დეპოებიდან და
მიკროცირკულაციის გადიდებას, რაც ხელს უწყობს მასირებული ქსოვილის უკეთესად მომარაგებას ჟანგბადით
და საკვები ნივთიერებებით .მასაჟი ზრდის სისხლში წითელი ბურთულების (ერითროციტების), ჰემოგლობინის
პროცენტულ რაოდენობას. სისხლის მიმოქცევა ძლიერდება არამარტო მასირებულ უბანზე, არამედ
რეფლექტორულად შორსმდებარე უბნებში და შინაგან ორგანოებშიც, რაც შემდგომ აძლიერებს გაზთა ცვლას
სისხლსა და ქსოვილებს შორის. მასაჟის სხვადასხვა ხანგრძლივობით და ძალით შესრულებისას შეიძლება
შეიცვალოს ცენტრალური ნერვული სისტემის ფუნქციონალური მდგომარეობა. მან შეიძლება შეამციროს ან
გაზარდოს მისი აღგზნებადობა. მასაჟის მოქმედებით უმჯობესდება გამტარი გზების ფუნქციური მდგომარეობა,
ძლიერდება თავის ტვინის ქერქის რეფლექტორული კავშირი კუნთებთან, სისხლძარღვებთან და შინაგან
ორგანოებთან. საკმაოდ დიდ გავლენას ახდენს მასაჟი პერიფერიულ ნერვულ სისტემაზე. ამცირებს ან ხსნის
ტკივილს, აუმჯობესებს ნერვული იმპულსების განვლადობას. , აჩქარებს რეგენერაციის პროცესს ნერვის
დაზიანების შემთხვევაში, ხელს უშლის კუნთების ატროფიის განვითარებას იმ ადგილებში, სადაც ნერვია
დაზიანებული. მასაჟის გავლენით მცირდება დაღლილი კუნთების შეშუპება, დაჭიმულობა და ტკივილი.
კუნთები თავისუფლდება დაღლის პროდუქტებისაგან, რის შედეგადაც ძლიერდება კუნთების
შრომისუნარიანობა, მათი გამძლეობა.მისი გავლენით კუნთი ხდება უმტკივნეული, რბილი და ელასტიური.